اقوام متحدہ نے کہا ہے کہ وہ چاہتی ہے کہ کل مغربی کنارے میں احتجاج کے دوران امریکہ میں آباد ترکی کی خاتون کی ہلاکت کے واقعے کی بھر پور تحقیقات کرائی جائے۔ اقوام متحدہ سکریٹری جنرل کے ترجمان نے کہا کہ اِس کیلئے جوابدہی طے کی جانی چاہیے اور عام شہریوں کا ہر قیمت پر تحفظ کیا جانا چاہیے۔ مغربی کنارے کے Nablus ضلعے میں Beita قصبے میں ایک مظاہرے کے دوران ایک امریکی سرگرم کارکن ایک گولی لگنے سے ہلاک ہوگئی تھیں۔ اُن کے ارکانِ خاندان نے ایک بیان میں کہا کہ ویڈیو سے یہ ظاہر ہوتا ہے کہ اُن کی موت، اسرائیلی فوج کے ایک اہلکار کی گولی سے ہوئی ہے۔ انھوں نے امریکہ سے اِس معاملے کی تحقیقات کیلئے کہا ہے۔ اُدھر امریکہ نے بھی اسرائیل پر زور دیا ہے کہ اِس واقعے کی تفتیش کرائی جائے۔ وہائٹ ہاؤس کی قومی سیکیورٹی کونسل کے ترجمان نے کہا کہ امریکہ کو اپنی ایک شہری کی المناک موت پر بہت تشویش ہے۔