اسرائیل کے زیر قبضہ جولان کی پہاڑیوں میں ایک فٹبال اسٹیڈیم پر راکٹ حملے میں کم از کم 12 افراد کی موت ہوگئی۔ اسرائیلی حکام نے اِس حملے کیلئے حزب اللہ گروپ کو ذمہ دار ٹھہرایا ہے اور ایران کی پشت پناہی والے لبنان کے اِس گروپ کے خلاف سخت کارروائی کا وعدہ کیا ہے۔ البتہ حزب اللہ گروپ نے اِس حملے میں کسی طرح کا ہاتھ ہونے سے انکار کیا ہے۔ اِس واقعے سے خطے میں کشیدگی بڑھ گئی ہے جبکہ غزہ میں بھی لڑائی کا سلسلہ جاری ہے۔