اسرائیلی فوج نے تصدیق کی ہے کہ اُس نے دو دن قبل ایک ہوائی حملے میں جنوبی لبنان میں حزب اللہ کے ایک سینئر کمانڈر کو ہلاک کردیا۔ ایک بیان میں فوج نے کہاہے کہ حزب اللہ میں نصر یونٹ کے کمانڈر سمیع طالب عبداللہ کو ہوائی حملے میں ہلاک کردیا ہے۔ وہ جنوبی لبنان میں حزب اللہ کا سب سے سینئر کمانڈر تھا۔ لبنان کے لوک میڈیا نے حزب اللہ کے کمانڈر کی موت کی تصدیق کرتے ہوئے مزید کہاہے کہ اِس حملے میں دیگر تین افراد ہلاک اور دس دیگر زخمی ہوگئے۔

اسی دوران حزب اللہ نے اعلان کیا ہے کہ اُس نے شمالی اسرائیل میں فوجی ٹھکانوں پر راکٹوں، ڈرونز اور میزائلوں کا استعمال کرتے ہوئے اسرائیل پر جوابی حملے کیے۔ اسرائیلی فوج کے مطابق اسرائیل کی طرف لبنان سے کم ازکم 170 پروجیکٹائلس فائر کیے گئے۔