اسرائیل کے وزیر اعظم بنجامن نیتن یاہو نے غزہ پٹی میں حماس کے خلاف پوری طاقت سے فوجی حملے شروع کیے جانے کی تصدیق کی ہے۔ غزہ میں بڑے پیمانے پر فضائی حملوں میں 400 سے زیادہ فلسطینی جان گنوا چکے ہیں۔

جناب نیتن یاہو نے ان حملوں کو محض شروعات قرار دیا۔ قومی ٹیلی ویژن پر ایک ویڈیو بیان میں اسرائیل کے وزیر اعظم نے انتباہ دیا کہ مذاکرات جنگ کے سائے میں ہی جاری رہیں گے۔ اس سے پہلے، کل جناب نیتن یاہو نے کہا کہ جنگ بندی میں توسیع کے مذاکرات میں پیش رفت نہ ہونے کی وجہ سے ان حملوں کا حکم دیا گیا ہے۔

دریں اثناء حکام نے کہا ہے کہ آپریشن کی مدت طئے نہیں ہے اور اس میں توسیع کا امکان ہے۔