اترپردیش کے وزیر اعلیٰ یوگی آدتیہ ناتھ نے کہا ہے کہ دلّی اسمبلی انتخابات اور اترپردیش کے ایودھیا ضلع کے ملکی پور اسمبلی کے ضمنی انتخابات کے نتائج ’جھوٹ اور لوٹ‘ کی سیاست کو واضح طور پر مسترد کرنے کا اشارہ دیتے ہیں۔ سوشل میڈیا پر جاری ایک پوسٹ میں جناب یوگی نے کہا کہ خدمت، سلامتی، بہتر حکمرانی اور عوامی فلاح کی اُن اسکیموں کی جیت ہوئی ہے، جن پر پچھلے 11 سال میں وزیر اعظم نریندر مودی کی قیادت کے تحت لگاتار عمل آوری ہوتی رہی ہے۔