اترپردیش کے سنبھل ضلعے کی جامع مسجد میں عدالتی حکم پر کئے جا رہے سروے کے بعد پُرتشدد جھڑپوں میں کم سے کم تین افراد ہلاک ہوگئے۔ مرادآباد ڈویژن کے کمشنر Anjaneya کمار سنگھ نے بتایا کہ جب ٹیم سروے کا کام ختم کرکے واپس آرہی تھی تبھی ہجوم میں سے کچھ افراد نے جائے وقوع پر تعینات پولیس اہلکاروں پر پتھراؤ شروع کر دیا اور گاڑیوں میں آگ لگا دی۔ پولیس نے بتایا کہ اس سلسلے میں خواتین سمیت کئی لوگوں کو حراست میں لیا گیا ہے۔ پڑوس کے ضلعوں سے پولیس فورس کو طلب کیا گیا ہے اور صورتحال قابو میں ہے۔