اترپردیش کے ترائی کے علاقے میں سیلاب کی صورتحال دن بہ دن ابتر ہوتی جارہی ہے۔ وزیراعلیٰ یوگی آدتیہ ناتھ، مرکزی وزیر جتن پرساد کے ہمراہ خطے کے پیلی بھیت اور لکھیم پور اضلاع کا دورہ کریں گے جو سیلاب سے سب سے زیادہ متاثر ہیں۔

فضائی جائزے کے بعد وزیراعلیٰ کا سیلاب کے متاثرین سے ملنے اور ان علاقوں میں جاری راحت اور بچاؤ کارروائیوں کا جائزہ لینے کا بھی پروگرام ہے۔

پیلی بھیت، ٹنک پور اور پیلی بھیت میلانی روٹ پر پچھلے دو دن سے ٹرینیں منسوخ کردی گئی ہیں یا مختصر مدت کیلئے انہیں معطل کردیاگیاہے۔شہر میں مختلف مقامات پر پانی بھرنے کی وجہ سے آج بھی اسکول بند رہیں گے۔پیلی بھیت سے دیگر اضلاع تک جانے والی بہت سی سڑکوں پر پانی بھرے ہونے کے سبب ٹریفک بری طرح متاثر ہوا ہے۔ضلعے میں فضائی فورس نے پانچ گاؤں والوں کو باہر نکالا ہے اور ایک لاکھ سے زیادہ لوگ سیلاب سے متاثر ہیں۔ گنگا، Kuano، گھاگھرا، راپتی اور شاردا دریا خطرے کے نشان سے اوپر بہہ رہے ہیں، جس کی وجہ سے ریاست میں مختلف اضلاع میں سیکڑوں گاؤں والوں کو محفوظ مقامات پر منتقل کیاگیاہے۔

سنت کبیر نگر، دیوریا، بارہ بنکی، ایودھیا، فرخ آباد اور شاہجہاں پور جیسے دیگر اضلاع میں بھی دریاؤں میں پانی کی سطح میں اضافہ ہونے کی وجہ سے سیلاب کا خطرہ ہے۔