اترپردیش کے اناؤ ضلعے میں آج ایک سڑک حادثے میں کم از کم 15 افراد کی موت ہوگئی جبکہ 20 سے زیادہ زخمی ہوئے۔ یہ حادثہ آج صبح سویرے اُس وقت پیش آیا جب Bangarmau کے نزدیک ایک ڈبل ڈیکر بس دودھ کے ایک ٹینکر سے جا ٹکرائی۔ یہ بس بہار کے سیوان ضلعے سے دلی آرہی تھی۔ ٹکرانے کے بعد بس کے دو حصے ہوگئے اور کئی لوگ جائے حادثہ پر ہی چل بسے۔ پولیس اور انتظامی عہدیدار  جائے حادثہ پر پہنچ گئے ہیں اور بچاؤ کارروائی جاری ہے۔x