اترپردیش کے پریاگ راج ضلع میں MEJA روڈ کراسنگ کے نزدیک کل رات مسافروں کو لے جارہی  ایک SUV کے سامنے سے آرہی ایک تیز رفتار بس سے ٹکرا جانے کے سبب کم از کم 10 افراد ہلاک اور 19 زخمی ہوگئے۔ پریاگ راج کے پولیس کمشنر Tarun گابا نے بتایا کہ کچھ لوگ ایک SUV میں چھتیس گڑھ کے کوربا شہر کی جانب سے آرہے تھے، جبکہ بس، پریاگ راج سے وارانسی جارہی تھی۔

صدر جمہوریہ دروپدی مرمو نے اس حادثے میں جانوں کے تلف ہونے پر گہرے رنج وغم کا اظہار کیا ہے۔ ایک سوشل میڈیا پوسٹ میں، انہوں نے سبھی زخمیوں کی جلد صحتیابی کی دعا کی۔ اترپردیش کے وزیراعلیٰ یوگی آدتیہ ناتھ نے بھی سوگوار کنبوں سے تعزیت کا اظہار کیا ہے۔ جناب یوگی نے ضلع انتظامیہ کو ہدایت کی ہے کہ وہ زخمیوں کو مناسب علاج فراہم کرائیں۔×