اتراکھنڈ کی ریاستی کابینہ نے یکساں سول کوڈ سے متعلق ضابطوں کو منظوری دے دی ہے جس سے ریاست میں اس کے نفاذ کی راہ ہموار ہوگئی ہے۔ امید ہے کہ یہ فیصلہ ملک کی دیگر ریاستوں کے لیے ایک نظیر بنے گا جس سے حکمرانی اور سماجی اصلاح کی جانب ریاست کے سرگرم طریقہئ کار کی عکاسی ہوتی ہے۔ میڈیا سے بات چیت کرتے ہوئے وزیراعلیٰ پشکرسنگھ دھامی نے UCC سے متعلق اپنی پراُمیدی کا اظہار کیا۔ انہوں نے کہا کہ اتراکھنڈ کی جانب سے یکساں سول کوڈ کو اختیار کیا جانا ملک کے بقیہ حصے کے لیے باعث تحریک  بنے گا۔