آندھراپردیش اور تلنگانہ میں شدید بارش اور سیلاب کے مدنظر مرکزی وزارتِ خزانہ نے سرکاری ملکیت کی بیمہ کمپنیوں کو ہدایت دی ہے کہ وہ سیلاب سے متاثرہ لوگوں کی بھرپور مدد کریں۔ ایک سوشل میڈیا پوسٹ پر وزارت نے کہا ہے کہ بیمہ کمپنیوں کو یہ ہدایت دی گئی ہے کہ وہ خصوصی کیمپوں کا انعقاد کرکے اور دعوؤں کو نمٹانے کے عمل کو سہل بنا کر متعلقہ دعوؤں کو تیزی کے ساتھ نمٹائیں۔ بیمہ کمپنیوں سے یہ بھی کہا گیا ہے کہ وہ اُن Nodal افسروں کے ناموں اور رابطہ نمبروں کو وسیع پیمانے پر مشتہر کریں جن سے پالیسی رکھنے والے افراد رجوع کرسکیں۔ خزانے کی وزارت نے کہا ہے کہ مرکزی سرکار نے قدرتی آفت سے متاثرہ لوگوں کی مدد کرنے اور اِس بات کو یقینی بنانے کا تہیہ کر رکھا ہے کہ انھیں جلد سے جلد ضروری امداد مل جائے۔