آسٹریلیا کی حکومت نے مغربی کنارے میں آباد کاروں کے تشدد میں شامل کچھ اسرائیلیوں پر پابندی لگائے جانے کا آج اعلان کیا۔ ذرائع ابلاغ کی خبروں کے مطابق، وزیر خارجہ Penny Wong نے فلسطینیوں پر پُرتشدد حملوں میں شامل سات اسرائیلیوں اور ایک یوتھ گروپ پر معاشی پابندیوں اور سفری بندشوں کا اعلان کیا۔ محترمہ Wong نے بتایا کہ اِن حملوں میں مارپیٹ، جنسی حملے اور اذیت رسانی شامل ہے، جس کے نتیجے میں فلسطینیوں کو شدید چوٹیں پہنچیں اور کچھ معاملوں میں موت تک ہوگئی ہے۔ ایسا پہلی مرتبہ ہوا ہے جب آسٹریلیا نے آبادکاری سرگرمیوں میں ملوث ہونے پر اسرائیلیوں پر اس طرح کی سزاؤں کو نافذ کیا ہے۔