آئندہ ماہ کی پانچ تاریخ کو دلی اسمبلی انتخابات کے لیے انتخابی مہم زور و شور سے جاری ہے اور سبھی اہم سیاسی پارٹیوں کے رہنما ووٹروں کو راغب کرنے کی ہر ممکن کوشش کر رہے ہیں۔ BJP، عام آدمی پارٹی اور کانگریس کے سرکردہ رہنما ریلیاں، گھر گھر جاکر رابطہ قائم کرنے کی مہم، اور روڈ شو کر رہے ہیں۔ تاکہ وہ اپنے امیدواروں کے حق میں حمایت حاصل کر سکیں۔BJP کے سینئر رہنما اور وزیراعظم نریندر مودی، امکان ہے کہ آج شاہدرا اسمبلی حلقے کے کرتار نگر میں ایک ریلی کریں گے۔
دوسری جانب عام آدمی پارٹی کے قومی کنوینر اور دلی کے سابق وزیراعلیٰ اروند کیجریوال آج شام بادلی اور تیمارپور حلقوں میں عوامی میٹنگوں سے خطاب کریں گے۔
اِس دوران کانگریس کے سینئر رہنما جے رام رمیش اور دیویندر یادو کانگریس کا منشور جاری کریں گے۔