وزیر اعظم نریندر مودی، آج امبیڈکر جینتی کے موقع پر ہریانہ کا دورہ کریں گے۔ وہ صبح Hisar جائیں گے اور حسار سے ایودھیا کے لیے کمرشیل پرواز کو جھنڈی دکھا کر روانہ کریں گے۔ وزیر اعظم حسار ہوائی اڈّے کی نئی ٹرمنل عمارت کا سنگِ بنیاد رکھیں گے اور ایک عوامی جلسے بھی خطاب کریں گے۔ اس کے بعد وزیر اعظم یمنا نگر میں کئی ترقیاتی پروجیکٹوں کا افتتاح کریں گے اور سنگِ بنیاد رکھیں گے۔ جناب مودی اس موقع پر ایک اجتماع سے بھی خطاب کریں گے۔

سبھی تک بجلی پہنچنے کے ویژن کے ساتھ ساتھ، خطّے میں بجلی کے بنیادی ڈھانچے کو تقویت فراہم کرنے کی غرض سے وزیراعظم، یمنا نگر میں دین بندھو چھوٹو رام حرارتی بجلی گھر کے800 میگاواٹ صلاحیت کے جدید حرارتی بجلی یونٹ کا  سنگِ بنیاد رکھیں گے۔

گوبردھن اسکیم کے ویژن کو آگے بڑھاتے ہوئے وزیراعظم، یمنانگر میں مبارک پور میں ایک کمپریسڈ بائیو گیس پلانٹ کا سنگِ بنیاد رکھیں گے۔

جناب مودی بھارت مالا پَری یوجنا کے تحت تقریباََ ایک ہزار 70 کروڑروپے کی لاگت کے 14 اعشاریہ 4 کلو میٹر طویل ریواڑی بائی پاس پروجیکٹ کا بھی افتتاح کریں گے۔ اس مذکورہ پروجیکٹ سے ریواڑی شہر میں بھیڑ بھاڑ میں کمی آئے گی۔ دلّی-نارنول کے درمیان سفر کی مدّت میں تقریباً ایک گھنٹے کی کمی آئے گی اور خطّے میں اقتصادی اور سماجی سرگرمی کو فروغ حاصل ہوگا۔

پیش ہے ایک رپورٹ

V/C – Ashwini Sharma

وزیر اعظم نریندر مودی کے ہریانہ دورے کے پیشِ نظر حسار اور یمنا نگر اضلاع میں سخت حفاظتی انتظامات کیے گئے ہیں۔ ٹریفک کے نقل و حمل میں تبدیلیاں کی گئی ہیں۔ حسار میں جناب مودی ایئر پورٹ گراؤنڈ پر ایک عوامی جلسے سے خطاب کریں گے اور حسار ہوائی اڈّے کی نئی ٹرمنل عمارت کا سنگِ بنیاد رکھے جانے اور حسار سے ایودھیا تک فضائی خدمات کے افتتاح کے بعد جناب مودی یمنا نگر ضلعے میں Kail گاؤں کا دورہ کریں گے۔ جناب مودی ریواڑی بائی پاس کا بھی افتتاح کریں گے اور یمنا نگر میں ایک بڑے عوامی جلسے سے خطاب کریں گے۔