News On AIR - News Services Division: Breaking News Today, Top Headlines, Live Updates, Top Stories

खास सुर्खियां

विश्व बैंक चालू माली साल मांय भारत री सकल घरेलू उत्पाद री बधोतरी री रेट 6 दशमलव 3 फीसदी बरकरार राख्यी।

विश्व बैंक चालू माली साल मांय भारत री सकल घरेलू उत्पाद री बधोतरी री रेट 6 दशमलव 3 फीसदी बरकरार राख्यी है। भारत मांय केई बाहरी चुनौतियां रे बावजूद माली बधोतरी री मजबूत रेट ने ध्यान राखता थकां ओ फैसलो करी ज्यो है। विश्व बैंक अप्रैल री रपट मांय साल 2023-24 मांय भारत री माली बधोतरी री रेट रो अनुमान पहली रा 6 दशमलव 6 फीसदी ऊं घटा र 6 दशमलव 3 फीसदी कर दीनो हो। विश्व बैंक रा भारत रा विकास ऊं जुड़्या नुवा विवरण रे मुजब भारत री माली व्यवस्था रा बारा मांय अंतर्राष्ट्रीय वित्तीय संस्थानां री अर्ध.....

प्रधानमंत्री नरेन्द्र मोदी री अरज माथे देशभर मांय लोगा व्यापक स्वच्छता अभियान मांय भागीदारी करी।

प्रधानमंत्री नरेन्द्र मोदी री अरज माथे देशभर मांय लोगा व्यापक स्वच्छता अभियान मांय भागीदारी करी। प्रधानंमत्री राष्ट्रपिता महात्मा गांधी री जयंती ऊं एक दिन पैलां देशवासियां ऊं स्वच्छता अभियान सारू दीतवार संवारा 10 बज्यां ऊ एक घंटा तांई श्रमदान री अरज करी है।

चुनाव आयोग शनिवार ने जयपुर मांय प्रदेश रा आला अहलकारां सागे ईं साल रा आखिर मांय व्हेवण वाळा विधानसभा चुनाव री तैयारियां रो जायज़ो लीनो।

मुख्य चुनाव आयुक्त राजीव कुमार दोन्यू चुनाव आयुक्त अनूपचंद्र पांडेय अर अरूण गोयल सागे शनिवार ने जयपुर मांय प्रदेश रा आला अहलकारां सागे ईं साल रा आखिर मांय व्हेवण वाळा विधानसभा चुनाव री तैयारियां रो जायज़ो लीनो। राज्य रा मुख्य निर्वाचन अधिकारी प्रवीण गुप्ता बतायो के चुनाव आयोग सगळा संभागीय आयुक्तां,

मुख्य निर्वाचन आयुक्त राजीव कुमार री अगुवाई मांय निर्वाचन आयोग रो दल जयपुर रा दौरा सारु आयो।

मुख्य निर्वाचन आयुक्त राजीव कुमार री अगुवाई मांय निर्वाचन आयोग रो आला दर्जा रो दल जयपुर रो दौरो कर रह्यो है। दल मांय निर्वाचन आयुक्त अनूप चन्द्र पांडे , अरुण गोयल अर आयोग रा आला अहलकार शामिल है। ओ दल तीन दिन रा दौरा रा तैत राज्य मांय विधानसभा चुनाव री तैयारियां रो जायज़ो ले रह्यो है।

केंद्रीय मंत्री नितिन गडकरी कह्यो- सरकार री ईं साल रा आखिर तांई राष्ट्रीय राजमार्गां ऊं गड्ढा खत्म करण री योजना।

केन्द्रीय सड़क परिवहन अर राजमार्ग मंत्री नितिन गडकरी कह्यो है के सरकार ईं साल रा आखिर तांई नेशनल हाई-वे माथे ऊं गड्ढ़ा खत्म करण री नीति माथे काम कर रही है। वे नई दिल्ली मांय खबरनवीसां सागे बातचीत रे दौरान आ जाणकारी दीनी। गडकरी कह्यो के वां रो मंत्रालय निष्पादन आधारित रख-रखाव अर कम मियाद री मरम्मत अनु

प्रादेशिक समाचार

मुख्यमंत्री अशोक गहलोत न्यायपालिका मांय भ्रष्टाचार ऊं जुडी वां री टिप्पणी माथे राजस्थान हाई कोर्ट मांय लिखित माफी मांगी ।

मुख्यमंत्री अशोक गहलोत न्यायपालिका मांय भ्रष्टाचार ऊं जुडी वां री टिप्पणी माथे राजस्थान हाई कोर्ट मांय लिखित माफी मांगी है। पैली वाळा न्यायिक अहलकार शिवचरण गुप्ता री ओर ऊं दायर करी ज्यी जनहित याचिका माथे मंगलवार ने मुख्य न्यायाधीश न्यायमूर्ति ए.जी. मसीह अर न्यायाधीश न्यायमूर्ति एम.एम. श्रीवास्तव री

दक्षिण पश्चिम मॉनसून प्रदेश ऊं विदा व्ह्यो।

दक्षिण पश्चिम मॉनसून मंगलवार ने प्रदेश ऊं विदा व्हे ग्यो। मौसम विभाग रे मुजब चौमासा री बिरखा औसत मियाद ऊं तीन दिन मोडी बंद व्ही है। ईं बीचे प्रदेश रा कुछ हलकां मांय ठण्ड महसूस व्हेवण लाग्यी है।

देश सोमवार ने पैल्यां आळा प्रधानमंत्री लाल बहादुर शास्त्री ने भी वाणी जयंती माथे याद कर रियो है।

देश सोमवार ने पैल्यां आळा प्रधानमंत्री लाल बहादुर शास्त्री ने भी वाणी जयंती माथे याद कर रियो है। प्रधानमंत्री नरेन्द्र मोदी आपरे संदेश मांय कह्यो की लाल बहादुर शास्त्री री सादगी, राष्ट्र रे प्रति समर्पण अर जय जवान, जय किसान रो हेलो सोमवार ने भी आवण वाळी पीढियां ने प्रेरित करे है।

राष्ट्र सोमवार ने राष्ट्रपिता महात्मा गांधी ने वाणी जयंती माथे याद कर रह्यो है

राष्ट्र सोमवार ने राष्ट्रपिता महात्मा गांधी ने वाणी जयंती माथे याद कर रह्यो है। नुवी नई दिल्ली रा राजघाट थापित बापू री समाधि मांथे सर्वधर्म प्रार्थना सभा राखी जी। राष्ट्रपति द्रौपदी मुर्मू अर प्रधानमंत्री नरेंद्र मोदी राजघाट माथे महात्मा गांधी ने पुष्पांजलि अर्पित करी।

प्रधानमंत्री नरेन्द्र मोदी कह्यो है कि लारला पांच बरस मांय प्रदेश री कांग्रेस सरकार प्रदेश री साख को तबाह कर्यो है।

प्रधानमंत्री नरेन्द्र मोदी कह्यो है कि लारला पांच बरस मांय प्रदेश री कांग्रेस सरकार प्रदेश री साख को तबाह कर्यो है। बणा कह्यो की प्रदेश मांय भाजपा री सरकार बनणे रे पाछे विकास कामा ने नी रोक्यो जावेला। श्री मोदी इण बकत चित्तौड़गढ़ मांय जनसभा ने संबोधित कर रह्या है।

प्रदेश मांय दीतवार ने ऊं वन्यजीव सप्ताह री शुरूआत व्हेगी है।

प्रदेश मांय दीतवार ने ऊं वन्यजीव सप्ताह री शुरूआत व्हेगी है। सप्ताह रे दौरान जंगळात महकमा कानी ऊं वन अर वन्य जीवां में बचावण सारू जागरुकता ने लेर न्यारा-न्यारा कार्यक्रम कर्या जावे। ई बीचे राज्य रा वन्यजीव अभ्यारणायां मांय दीतवार ने ऊं नुवो सैलाणी सत्र सरू व्हेग्यो है।

More News

राष्ट्रीय समाचार

केन्द्रीय मंत्री डॉ. जितेंद्र सिंह कह्यो- नासा अर दूजी एजेंसियां रा रहता ई इसरो ने दुनिया री अगाड़ी अंतरिक्ष एजेंसी मानी जावे है।

केंद्रीय विज्ञान अर प्रौद्योगिकी राज्य मंत्री डॉ जितेंद्र सिंह कह्यो है के अंतरिक्ष अनुसंधान रा हलका मांय भारत रो कद लगातार बध़ रह्यो है। नई दिल्ली मांय राख्यी ज्या इसरो रा वैज्ञानिकां रा मान जळसा मांय डॉ सिंह कह्यो के नासा अर दूजी अंतरिक्ष एजेंसियां रा रहता ई अब इसरो ने दुनिया री अगाड़ी अंतरिक्ष एजे

देश मांय दीतवार संवारे 10 बजां स्वच्छता पहल सरू करी जावेला।

देश मांय दीतवार संवारे 10 बजां स्वच्छता पहल सरू करी जावेला। प्रधानमंत्री नरेंद्र मोदी सोशल मीडिया पोस्ट रे ज़रिए कह्यो के साफ भारत सगळां री ज़िम्मेदारी है अर ईं सारू हर एक जणा ने कोशिश करणी व्हेला।

प्रधानमंत्री नरेन्द्र मोदी कह्यो - आकांक्षी कार्यक्रम रो मकसद जनता री ज़िंदगी री गुणवत्ता मांय सुधार लावणो है- नई दिल्ली मांय संकल्प सप्ताह री सरुआत कीनी।।

प्रधानमंत्री नरेन्द्र मोदी कह्यो है के आकांक्षी कार्यक्रम रो मकसद जनता री ज़िंदगी री गुणवत्ता मांय सुधार लावणो है। वे आज नई दिल्ली रा भारत मंडपम मांय संकल्प सप्ताह री सरुआत रे मौके बोल रह्या हा।

राष्ट्रपति द्रौपदी मुर्मु शुक्रवार ने राष्ट्रपति भवन मांय साल 2020-21 रा राष्ट्रीय सेवा योजना पुरस्कार दीना।

राष्ट्रपति द्रौपदी मुर्मु शुक्रवार ने राष्ट्रपति भवन मांय साल 2020-21 रा राष्ट्रीय सेवा योजना पुरस्कार दीना। समाज सेवा मांय योगदान सारू 52 जणां ने ए ईनाम दे र नवाजी ज्या। युवा कार्यक्रम अर खेल मंत्री अनुराग सिंह ठाकुर अर राज्य मंत्री निशिथ प्रमाणिक ई पुरस्कार समारोह मांय शिरकत कीनी।

प्रधानमंत्री नरेन्द्र मोदी कह्यो है के देश पहली अक्टूबर ने संवारे 10 बज्यां स्वच्छता पहल सरू करेला।

प्रधानमंत्री नरेन्द्र मोदी कह्यो है के देश पहली अक्टूबर ने संवारे 10 बज्यां स्वच्छता पहल सरू करेला। वे सोशल मीडिया पोस्ट रे जरिये कह्यो के साफ़ भारत सगळां री जिम्मेदारी है अर ईं सारू हर एक जणा ने कोशिश करणी व्हेला।

प्रधानमंत्री नरेंद्र मोदी थावर ने देश रा न्यारा-न्यारा आकांक्षी ब्लॉक सारू सप्ताह भर चलाया जावण वाळा खास कार्यक्रम री सरूआत करेला। ।

प्रधानमंत्री नरेंद्र मोदी रो थावर ने नई दिल्ली मांय देश रा न्यारा-न्यारा आकांक्षी ब्लॉक सारू सप्ताह भर चलाया जावण वाळा खास कार्यक्रम री सरूआत करण रो कार्यक्रम है। इण ने संकल्प सप्ताह रो नाम दियो ज्यो है। नई दिल्ली रा भारत मंडपम मांय देश भर रा पंचायत अर ब्लॉक स्तर रा कोई तीन हजार नुमाइंदा ईं कार्यक्र

More News

न्यारा-न्यारा समाचार

राज्य स्तर री खो-खो होड मंगलवार ने बूंदी जिला रा हिंडौली मांय सरू व्ही।

राज्य स्तर री खो-खो होड मंगलवार ने बूंदी जिला रा हिंडौली मांय सरू व्ही। होड रो उद्घाटन खेल राज्य मंत्री अशोक चांदना कीनो। 17 अर 19 साल आयु वर्ग मांय व्हे रही ईं होड़ मांय प्रदेश रा न्यारा-न्यारा जिलां ऊं 106 टीमां शिरकत कर रही है।

हिन्दी फ़िल्मां री नामी अभिनेत्री वहीदा रहमान ने ईं साल रा दादा साहेब फाल्के लाइफटाइम अचीवमेंट पुरस्कार ऊं नवाज़ी जावेला।

हिन्दी फ़िल्मां री नामी अभिनेत्री वहीदा रहमान ने ईं साल रा दादा साहेब फाल्के लाइफटाइम अचीवमेंट पुरस्कार ऊं नवाज़ी जावेला। सूचना अर प्रसारण मंत्री अनुराग सिंह ठाकुर मंगलवार ने ओ ऐलाण कीनो।

भारत अर आयरलैंड बीचे तीन ट्वेंटी-ट्वेंटी क्रिकेट मुकाबलां री सीरीज़ रो पैलो मुकाबलो शुक्रवार ने आयरलैंड रा डबलिन मांय खेल्यो जावेला।

भारत अर आयरलैंड बीचे तीन ट्वेंटी-ट्वेंटी क्रिकेट मुकाबलां री सीरीज़ रो पैलो मुकाबलो शुक्रवार ने आयरलैंड रा डबलिन मांय खेल्यो जावेला। भारत रा बगत रे मुजब ओ मुकाबलो सिंज्यां साढ़े सात बज्यां सरु व्हेला। जसप्रीत बुमराह भारतीय टीम री कप्तानी करेला।

राष्‍ट्रपति भवन रो अमृत उद्यान 16 अगस्त ऊं एक महीना तांई जनता सारु खोल्यो जावेला।

राष्‍ट्रपति भवन रो अमृत उद्यान 16 अगस्त ऊं एक महीना तांई जनता सारु खोल्यो जावेला। राष्‍ट्रपति भवन री ओर ऊं जारी एक विज्ञप्ति रे मुजब जनता ऑनलाइन बुकिंग या स्वयं सेवा कियोस्क रे मार्फत इण मांय दाखिल व्हेवण सारु पास हासिल कर सके है। उद्यान उत्सव रो मकसद उनाळा मांय आवण वाळा फूलां रो दरसाव करणो है।

जयपुर-अजमेर हाइवे माथे दूदू कने ट्रक अर ट्रेलर री टक्कर रे कारण लागी लाय ऊं पांच जणां री मौत।

जयपुर-अजमेर हाइवे माथे दूदू कने रामनगर मोड़ परां बुधवार ने संवारे दो ट्रेलर अर एक ट्रक री टक्कर रे कारण पांच जणां री मौत व्हे ग्यी। हादसा रे कारण आं गाड़ियां मांय लाय लाग ग्यी।

युवा कार्य अर खेल मंत्रालय तेनजिंग नोरगे राष्ट्रीय साहसिक पुरस्कार-तन्ना 2022 सारू नाम पाना मांग्या ।

युवा कार्य अर खेल मंत्रालय तेनजिंग नोरगे राष्ट्रीय साहसिक पुरस्कार-तन्ना 2022 सारू नाम पाना मांग्या है। ओ ईनाम साहसिक काम रा हलकां ऊं जुड्या लोगां री कामयाबी सागे दियो जावे है।

More News