स्वच्छता ही सेवा अभियान रा तैत प्रदेश मांय थावर ने ई न्यारा-न्यारा कार्यक्रम राख्यी ज्या। राजसमंद मांय ज़िला कलेक्टर बाल मुकुंद असावा ‘‘माय आफिस क्लीन ऑफिस’’ अभियान चलायो। ईं रा तैत आज छुट्टी रा दिन ई न्यारा-न्यारा सरकारी दफ्तरां मांय ‘‘माय आफिस क्लीन ऑफिस’’ अभियान सरू करी ज्यी। कलेक्टर रा दफ्तर रा बगीचा मांय ज़िला कलेक्टर बाल मुकुंद असावा समेत न्यारा-न्यारा अहलकार सफाई कीनी। अजमेर मांय ई जिला कलेक्टर रा दफ़्तर मांय जिला कलेक्टर अर एस.पी. समेत न्यारा-न्यारा अहलकार श्रमदान कीनो। डूंगरपुर ज़िला मांय ई जिला परिषद, पंचायत समितियां अर ग्राम पंचायत रा दफ्तरां मांय सफाई अभियान चलायी ज्यो। जालोर मांय जिला कलेक्टर डॉ. प्रदीप के. गवांडे न्यारा-न्यारा हलकां रो दौर कर र सफाई ऊं जुड़्या काम-काज रो जायज़ो लीनो अर ज़रूरी हुकम दीना।