राज्य मांय तावड़ा रा कोप ऊं दीतवार ऊं थोड़ी साता मिलण रा आसार है। मौसम विभाग रे मुजब थावर ने जोधपुर अर बीकानेर संभाग मांय कठे-कठे आंधी आवण या जोरदार बायरो बाजण रा आसार है। मौसम केन्द्र जयपुर रा निदेशक राधेश्याम शर्मा बतायो के दीतवार ऊं पारो 2 ऊं 4 डिग्री सेल्सियस उतरण री संभावना है। ईं बीचे ज़ोरदार तावड़ा ने ध्यान राखता थकां श्रीगंगानगर ज़िला मांय सरकारी अर गैर-सरकारी स्कूलां मांय विद्यार्थियां सारू स्कूल संवारे साढे सात ऊं ग्यारह बज्यां ताई खोलण रा हुकम दिया ज्या है।