राजस्थान स्थापना दिवस ईं साल ई धूम-धाम सागे मणायो जावेला। ईं मौके राजधानी जयपुर समेत न्यारी-न्यारी ठौड़ां कार्यक्रम राख्या जावेला। राजस्थान स्थापना दिवस रा सिलसिला मांय काल ऊं 31 मार्च तांई न्यारा-न्यारा राख्या जावेला। मुख्यमंत्री भजनलाल शर्मा रो काल बाड़मेर मांय मातृ वंदन महिला सम्मेलन ऊं इण री सरुआत करण रो कार्यक्रम है। 26 मार्च ने बीकानेर मांय किसान सम्मेलन अर एफपीओ कार्यक्रम राख्यो जावेला। 27 मार्च ने भरतपुर मांय गरीब और अंत्योदय समारोह राख्यो जावेला। 28 मार्च ने भीलवाड़ा मांय सुशासन समारोह अर 29 मार्च ने कोटा मांय युवा और रोजगार उत्सव व्हेला। राजस्थान दिवस रे मौके 30 मार्च ने जयपुर मांय मोटो जळसो अर 31 मार्च ने निवेश उत्सव राख्यो जावेला। राजस्थान दिवस रा सिलसिला मांय जयपुर रा जवाहर कला केन्द्र मांय काल न्यारा-न्यारा रा कार्यक्रम सरू कर्या जावेला। राजस्थानी सिनेमा महोत्सव सागे इण री सरूआत व्हेला। 30 मार्च तांई चालण वाळा ईं आयोजन रे दौरान गीत-संगीत, नाच-गाण अर नाटक समेत न्यारा न्यारा आयोजन राख्या जावेला। जवाहर कला केन्द्र रा शिल्पग्र्राम मांय काल ऊं क्राफ्ट अर फूड बाज़ार ई लगायो जावेला।