मुख्यमंत्री भजनलाल शर्मा महिलावां सूं आत्मनिर्भर बणणे रो हेलो कर्यो है। वणा कह्यो के महिलावां सरकार री न्यारी-न्यारी जन कल्याणकारी योजनावां रो लाभ उठा र घर सूं ही आजीविका चला सके है। श्री शर्मा दीतवार ने आप रे शेखावाटी खेतर रे दौरे रे दूजे दिन उदयपुरवाटी रे गुढ़ा मोड माथे राखीजी जनसभा मांय आ बात कही। वणा कह्यो की राज्य सरकार महिला सशक्तिकरण खातिर लगोतार काम कर री है। मुख्यमंत्री झुन्झुनू टोल प्लाजा माथे भी जनसभा करी। वणा कह्यो की सरकार राज्य रा सगळा खेतरां मांय पाणी पहुंचाणे खातिर हरसंभव जतन कर री है। मुख्यमंत्री मुकुन्दगढ़ रा राजकीय महाविद्यालय अर चिड़ावा बाईपास समेत केई जनसभावां ने सम्बोधित कर्यो। वणा सीकर जिला रा फतेहपुर मांय बालाजी महाराज अर करूणा महादेव जी रा दर्शन कर प्रदेश री खुशहाली री कामना करी। वणा झुन्झुनू सर्किट हाउस मांय जणसुनवाई भी करी। मुख्यमंत्री भजन लाल शर्मा रो काले आप रे दौरे रे तीजे दिन पिलानी जाणे रो कार्यक्रम है। वठे वे यमुना जळ समझौते री समीक्षा बैठक लेवेला।