मुख्यमंत्री भजन लाल शर्मा कह्यो है के पढेसर आप री सनद ने कामयाबी रे साथे जिम्मेदारी ई माने। वणा कह्यो के पढ़ेसरां ने जिन्दगी रा सूत्र सीखण, समझण सारू संदेनशील बणणो जरूरी है। वे जोधपुर रा राष्ट्रीय विधि विश्वविद्यालय रा 17 वां दीक्षांत जळसा मांय बोल रह्या हा। मुख्यमंत्री कानून रा पढे़सरा री न्याय री हिफ़ाजत अर प्रसार सारू काम करण ने कह्यो। वणा वकीलां ऊं कमजोर तबका सारू काम करण री अरज करी। ई मौके मुख्यमंत्री तीन नुवा आपराधिक कानूनां रा जिक्रो करता कह्यो के सरकार राज्य मांय इण ने लागू करण सारू काम कर री है। जळसा मांय मुख्यमंत्री 181 सनद बांटी। आ मांय 118 स्नातक, 45 स्नातकोत्तर, 45 एमबीए रा 11 अर 9 शोध करण वाळां भेळा है।