बुधवार ने महाशिवरात्रि मनायी जावेला। ईं मौके मिंदरां अर शिवालयां मांय अभिषेक सारु खास तैयारियां करी जा रही है अर मंगवार ने ही धार्मिक आयोजन सरू व्हे ग्या है। महाशिवरात्रि रे मौके शिवालयां मांय सोहवणी सजावट करी ज्यी है। शिवरात्रि रे मौके केई ठौड़ां मेळा, शोभायात्रा अर भंडारा-प्रसादी रा कार्यक्रम व्हेला। राजधानी जयपुर मांय गलताजी हलका रा मिन्दरां समेत खास शिवालयां मांय ई जातरुआं री मोटी तादाद माथे काबू करण अर हिफ़ाज़त रा खास इंतजाम कर्या जावेला। मुख्यमंत्री भजनलाल शर्मा जनता ने महाशिवरात्रि री शुभकामनावां दीनी है। वां रा संदेश मांय श्री शर्मा कह्यो के भगवान शिव म्हां ने विपरीत हालात मांय ई नी डगमगावण री सीख देवे है।