केन्द्रीय ग्रामीण विकास मंत्री शिवराज सिंह चौहान बुधवार ने वीडियो कॉन्फ्रेंसिंग रे मार्फत जल लाए धन-धान्य थीम माथे आधारित वाटरशेड यात्रा री सरूआत कीनी। ईं मौके श्री चौहान सगळां ऊं पाणी अर मिट्टी बचावण री अरज कीनी। वे कह्यो के पानी अर मिट्टी बचावण बाबत् आवता दो साल सारू जनभागीदारी होड़ चलायी ज्यी है। इण बेहतरीन काम करण वाळी परियोजनावां ने अतिरिक्त 20 लाख रुप्या रो ईनाम दियो जावेला। प्रधानमंत्री कृषि सिंचाई योजना 2.0 रा तैत प्रदेश मांय बुधवार ने बारां जिला री किशनगंज ग्राम पंचायत ऊं जलग्रहण यात्रा सरू व्ही। ईं मौके श्रमदान, पौधा रोपण, कलश यात्रा अर पाणी बचावण री शपथ लेवण रा कार्यक्रम राख्यी ज्या। जिला कलेक्टर बतायो के रोहिताश्व तोमर बतायो के ईं यात्रा रे मार्फत बिरखा रो पाणी भेळो करण, मिट्टी रो कटाव रोकण अर खेती-बाड़ी री उपज बधावण रो संदेश दियो जा रह्यो है। जलग्रहण यात्रा राज्य रा 110 ब्लॉक ऊं व्हेती निकळेला। ई यात्रा रा पहला गेला मांय राज्य रा 14 ज़िलां री 61 परियोजनावां अर दूजा गेला मांय 16 ज़िलां री 49 परियोजनावां शामिल है। ईं रा तैत चारागाह विकास करण अर एनीकट अर चेकडैम बणावण सरीखा पाणी भेळो करण रा काम चाल रह्या है।