केन्द्र सरकार री ओर ऊं देश मांय थावर ने सातवों जन औषधि सप्ताह सरू व्हेला। ईं सप्ताह रे दौरान फार्मास्युटिकल एंड मेडिकल डिवाइसेज ब्यूरो ऑफ इंडिया री ओर ऊं न्यारा-न्यारा कार्यक्रम राख्या जावेला। पी एम बी आई रा नोडल अधिकारी शुभम भार्गव बतायो के थावर ने जोधपुर मांय पैदल रैली ऊं जन औषधि सप्ताह री सरुआत करी जावेला। कुचामन सिटी मांय ई बस स्टेण्ड ऊं सरकारी अस्पताल तांई रैली निकाळी जावेला। 2 मार्च ने भगत की कोठी रेलवे टेशन रा जन औषधि केंद्र माथे मुफ्त स्वास्थ्य जांच शिविर लगायो जावेला। जोधपुर शहर मांय हेरिटेज वॉक ई राख्यी जावेला। 3 मार्च ने जन औषधि बाल मित्र अर 4 मार्च ने शहर मांय मातृ शक्ति सम्मान अर पाँच मार्च ने एक गैर-सरकारी कॉलेज मांय प्रबुद्ध जन री सेमिनार राख्यी जावेला। हर साल एक ऊं सात मार्च तांई जन औषधि सप्ताह मनायो जावे है।