36 देशां रा प्रशासनिक अहलकार स्मार्ट सिटी मिशन रा तहत जयपुर मांय कराया जा रह्या कामां ने आज देख्या। जयपुर स्मार्ट सिटी रा मुख्य कार्यकारी अधिकारी अभिषेक सुराणा आं अहलकारां ने स्मार्ट सिटी मिशन रा तहत कर्या जा रह्या कामां अर वां री खासियत रा बारा मांय जाणकारी दीनी। सुराणा परदेसी अहलकारां ने अभय कमाण्ड सेंटर रो दौरो ई करायो अर सेंटर रा कामाकज रा बारा मांय जाणकारी दीनी। सुराणा बतायो के भारतीय लोक प्रशासन संस्थान री ओर ऊं गोवा मांय चार ऊं 17 सितम्बर तांई चाल रह्या भारतीय तकनीकी अर आर्थिक सहयोग रा तहत 36 देशां रा प्रशासनिक अहलकारां ने शहर मांय स्मार्ट सिटी मिशन रा तैत कराया जा रह्या कामां री जाणकारी दीरीजी। ऐ अहलकार विधानसभा रा म्यूजियम रो ई दौरो कीनो।