21 जून ने मनाया जावण वाळा अंतर्राष्ट्रीय योग दिवस रा सिलसिला मांय शुक्रवार ने विधानसभा परिसर मांय योग कार्यक्रम-योगोत्सव राख्यी ज्यो। विधानसभा अध्यक्ष वासुदेव देवनानी री अगुवाई मांय करी ज्या ईं योगाभ्यास मांय विधायक, विधानसभा सचिवालय रा अहलकार अर कर्मचारी शामिल व्ह्या। ईं मौके देवनानी कह्यो के योग स्वस्थ शरीर, संतुलित मन अर सकारात्मक जीवन रो नजरियो बतावे है। वे सगळा ऊँ योग नेे रोजमर्रा रो हिस्सो बणावण री अरज कीनी। मुख्यमंत्री भजनलाल शर्मा ई शुक्रवार ने वां रा रेहवास माथे विश्व योगासन चैंपियनशिप मांय तमगा जीतण वाळां सागे योगाभ्यास कीनो। ईं सागे ई राज्य मांय चाल रह्या योग कार्यक्रमां रा तैत जयपुर रा राष्ट्रीय आयुर्वेद संस्थान परिसर मांय जुम्बा रैली निकाली ज्यी। ईं पाछे संस्थान रा शिक्षकां अर विद्यार्थियां री ओर ऊं हवामहल तांई योग रैली निकाळी ज्यी। पाली मांय आयुर्वेद विभाग री ओर ऊँ सामूहिक योगाभ्यास करवायी ज्यो।