हर-घर तिरंगा अभियान ऊं आखा राज्य मांय देशभक्ति रा रंग निज़र आ रह्या है। देशभक्ति रा नारा अर लहराता तिरंगा झण्डां ऊं वातावरण देश प्रेम रा रंग मांय रंग्योड़्यो है। अभियान रा तैत न्यारी-न्यारी ठौड़ां लोग हाथां मांय तिरंगो झण्डो ले र राष्ट्रीय ध्वज रा प्रति मान जता रह्या है। बारां मांय बच्चा, बुजु़र्ग अर महिलावां उमाव सागे तिरंगा रैली मांय शामिल व्ह्या। चित्तौड़गढ़ मांय निकाळी ज्यी तिरंगा रैली मांय मोटी तादाद मांय विद्यार्थी, स्काउट गाइड अर एन.सी.सी. कैडेट्स अर जनता शिरकत कीनी। सलूम्बर, डूंगरपुर, सवाईमाधोपुर अर पाली समेत न्यारी-न्यारी ठौड़ां प्रभात फेरियां निकाळी ज्यी अर तिरंगा वाहन रैली रा कार्यक्रम राख्यी ज्या।