हनुमानगढ़ जिला रा नोहर मांय मंगलवार ने महाराजा गंगासिंह विश्वविद्यालय बीकानेर री ओर ऊं राख्यी जा रही लड़कां री अंतर महाविद्यालय फुटबॉल होड़ सरू व्ही। तीन दिन री ईं होड़ मांय बीकानेर संभाग रा 12 कॉलेजां री टीमां सिरकत कर रही है। होड़ रा उद्घाटन मैच मांय महाराजा गंगासिंह विश्वविद्यालय, बीकानेर राजकीय महाविद्यालय, सूरतगढ़ ने 2-0 ऊं शिकस्त दीनी। डॉ. भीमराव अम्बेडकर राजकीय महाविद्यालय, श्रीगंगानगर अर राजकीय डूंगर महाविद्यालय, बीकानेर रे बीचे खेली ज्यो मुकाबलो राजकीय डूंगर महाविद्यालय, बीकानेर 1-0 ऊं जीत्यो। दूजी कानी केकड़ी मांय चाल रही राज्य स्तर री 68वीं सैकेण्डरी अर सीनियर सैकेण्डरी स्कूलां री लड़कियां री सॉफ्टबॉल होड़ रा तैत मंगलवार ने 17 अर 19 साल उम्र वर्ग रा क्वार्टर फाइनल मुकाबला व्ह्या। 17 साल उम्र वर्ग मांय श्रीगंगानगर, बाड़मेर, शाहपुरा, अर हनुमानगढ़ री टीमां सेमीफाइनल मांय पूग ग्यी। 19 साल उम्र वर्ग मांय ब्यावर, फलौदी अर नागौर री टीमां आगला दौर मांय पूग ग्यी। काल सेमीफाइनल अर फाइनल मुकाबला खेल्या जावेला।