स्वच्छता ही सेवा पखवाड़ो बुधवार ने सम्पन्न व्ह्यो। राज्य स्तरीय समापन जळसो जयपुर रे इंदिरा गांधी पंचायतीराज संस्थान मांय राख्यो गयो। इण मौके माथे नगरीय विकास मंत्री झाबर सिंह खर्रा पखवाड़े रे चालता श्रेष्ठ प्रदर्शन करण वाळा नगर निकायां ने सम्मानित कर्यो। इण मांय जयपुर ग्रेटर नगर निगम पेली जगा माथे रह्यो। अजमेर नगर निगम दूजे अर जोधपुर दक्षिण नगर निगम तिजो स्थान हासिल कर्यो। नगर परिषद री श्रेणी मांय चित्तौड़गढ़ पेले अर जैसलमेर दूजे पायदान माथे रह्यो। जळसे मांय जयपुर स्वच्छता फिल्म भी रिलीज करीजी। फिल्म मांय शहर री स्वच्छता यात्रा ने दशार्यो गयो है। इण रे साथे ही व्यापारिया, आमजन अर स्वच्छता योद्धावां रे संदेशां रे माध्यम सूं साफ-सफाई रे महतव ने बतायो गयो है। डूंगरपुर मांय स्वच्छता पखवाड़ा रे समापन रे मौके माथे चौखा काम करण वाळा 45 सफाई कर्मियों ने सम्मानित कर्यो गयो। वठीने स्वच्छता ही सेवा अभियान रे समापन माथे जिले रा आसपुर मांय रक्तदान शिविर राखी ज्यो।