स्वच्छता ही सेवा अभियान रा तैत प्रदेश मांय मंगलवार ने ई न्यारा-न्यारा कार्यक्रम राख्यी ज्या। पाली जिला रा रानी मांय नगरपालिका री ओर ऊं महात्मा गांधी सरकारी स्कूल मांय टाबरियां स्वच्छता ही सेवा “एस.एच.एस“ री मानव श्रृंखला बणायी अर साफ़-सफ़ाई राखण री शपथ दिरायी ज्यी। बाड़मेर मांय न्यू अंबेडकर चौराहा माथे श्रमदान रो कार्यक्रम राख्यी ज्यो। टांक ज़िला रा देवली रा सरकारी कॉलेज अर महात्मा गाँधी राजकीय विद्यालय मांय स्वच्छता अभियान ऊं जुड़ी रैली निकाळी ज्यी। मंगलवार ने ई एन.एस.एस. दिवस रे मौके स्वच्छता ही सेवा अभियान रा तैत सिंगल यूज़ प्लास्टिक भेळो कर र वां रो निपटारो करी ज्यो। ईं सागे ई कॉलेज परिसर मांय साफ़-सफ़ाई कर र पौधा रोप्यी ज्या। सवाईमाधोपुर मांय मंगलवार ने नगर परिषद कार्यालय परिसर मांय सफ़ाई कर्मचारियां सारु सुरक्षा शिविर लगायी ज्यो। इण मांय कर्मचारियां ने काम रे दौरान राख्यी जावण वाळी सावधानियां रा बारा मांय जाणकारी दीरीजी।