सोमवार ने जयपुर रो स्थापना दिवस मणायी ज्यो। साल 1727 मांय आज ही रा दिन जयपुर री स्थापना करी ज्यी ही। ईं मौके राज्यपाल हरिभाऊ बागडे़ जनता ने शुभकामनावां दीनी है। राज्यपाल वां रा संदेश मांय कह्यो के जयपुर भारतीय वास्तु संस्कृति री अनुपम मिसाल है। वे कह्यो के नगर-नियोजन रा जाणकार विद्याधर भट्टाचार्य विश्व विरासत मांय शामिल जयपुर सरीखो सुव्यवस्थित अर आधुनिक शहर बसायो हो। वे जनता ऊं शहर री वास्तु संस्कृति अर सुन्दरता सागे साफ़-सफ़ाई राखण मांय भागीदारी करण बाबत् कह्यो। जयपुर रा स्थापना दिवस रे मौके न्यारा-न्यारा कार्यक्रम राख्या जा रह्या है। आज संवारे मोतीडूंगरी गणेश मिंदर मांय खास पूजा-अर्चना सागे महाआरती करी ज्यी। जयपुर रा आराध्य देव गोविंद देवजी रा मिंदर मांय ई पूजा अर्चना करी ज्यी। अब ऊं थोड़ी देर पैली स्टेच्यू सर्कल माथे दीपदान रो कार्यक्रम राख्यी ज्यो। ईं सागे ई अल्बर्ट हॉल सामी जयपुर लोकरंग उत्सव राख्यो जा रह्यो है। लोकरंग मांय 150 ऊं बत्ता लोक कलाकार राजस्थानी लोक गीत अर नृत्य पेश कर्या जावेला। आं मांय कालबेलिया नर्तकी गुलाबो सपेरा अर गायक थानू खां री प्रस्तुति ई शामिल है। साल 1727 मांय आज ही रा दिन जयपुर री स्थापना करी ज्यी ही। ईं मौके राज्यपाल हरिभाऊ बागडे़ जनता ने शुभकामनावां दीनी है। राज्यपाल वां रा संदेश मांय कह्यो के जयपुर भारतीय वास्तु संस्कृति री अनुपम मिसाल है। वे कह्यो के नगर-नियोजन रा जाणकार विद्याधर भट्टाचार्य विश्व विरासत मांय शामिल जयपुर सरीखो सुव्यवस्थित अर आधुनिक शहर बसायो हो। वे जनता ऊं शहर री वास्तु संस्कृति अर सुन्दरता सागे साफ़-सफ़ाई राखण मांय भागीदारी करण बाबत् कह्यो। जयपुर रा स्थापना दिवस रे मौके न्यारा-न्यारा कार्यक्रम राख्या जा रह्या है। आज संवारे मोतीडूंगरी गणेश मिंदर मांय खास पूजा-अर्चना सागे महाआरती करी ज्यी। जयपुर रा आराध्य देव गोविंद देवजी रा मिंदर मांय ई पूजा अर्चना करी ज्यी। अब ऊं थोड़ी देर पैली स्टेच्यू सर्कल माथे दीपदान रो कार्यक्रम राख्यी ज्यो। ईं सागे ई अल्बर्ट हॉल सामी जयपुर लोकरंग उत्सव राख्यो जा रह्यो है। लोकरंग मांय 150 ऊं बत्ता लोक कलाकार राजस्थानी लोक गीत अर नृत्य पेश करेला। आं मांय कालबेलिया नर्तकी गुलाबो सपेरा अर गायक थानू खां री प्रस्तुति ई शामिल है।