सूचना प्रौद्योगिकी अर उद्योग मंत्री राज्यवर्द्धन सिंह राठौड़ कह्यो है कि सूचना प्रौद्योगिकी ऊं सगळा री जिन्दगी बेहतर बण रही है। वे शुक्रवार ने जयपुर मांय आईटी दिवस समारोह रा समापन जळसा मांय बोल रह्या हा। श्री राठौड़ कह्यो के आईटी रे मार्फत सेवा हलका मांय घणा सुधार व्ह्यो है अर वे लगातार नुवा-नुवा काम करण री कोशिश कर रह्या है। ईं मौके श्री राठौड़ अटल ई-गवर्नेंस पुरस्कार ई दीना। कार्यक्रम मांय ई-गवर्नेंस रा हलका मांय बेहतरीन काम करण वाळा अहलकारां रो मान करी ज्यो। इंर् सागे ई 12 स्टार्टअप्स ने 12 करोड़ रुप्या री मदद रा चैक दिया ज्या। कार्यक्रम मांय गांवांई अर शहरी हलकां मांय ई-मित्र कियोस्क चलावण वाळां रो मान करी ज्यो अर 3 लोकल सर्विस प्रोवाइडर्स ने ई बेहतरीन काम सारू नवाज़ी ज्या। दो दिन रा ईं आयोजन रा तैत राख्यी ज्या न्यारा-न्यारा सत्रां मांय एआई, कोडिंग, रोबोटिक्स अर साइबर हिफ़ाजत मुद्दां माथे चर्चा करी ज्यी।