सूचना अर प्रसारण राज्य मंत्री एल मुरुगन कह्यो है के देश अर समाज बणावण मांय मीडिया रो मोटो काम है। वे शुक्रवार ने माउंटआबू रा ब्रह्मकुमारी संस्थान मांय राख्यी ज्यी मीडिया कार्यशाला मांय बोल रह्या हा। मुरुगन कह्यो के समाज मांय नकारात्मकता पैदा करण वाळा समाचार छपण अर प्रसारित व्हेवण ऊं रोकण री म्हाणी नैतिक ज़िम्मेदारी है। वे कह्यो के विकसित भारत रो सपनो सांचो करण मांय मीडिया रो खास काम है। मुरुगन मीडिया ने बत्ती सावचेती, जागरूकता अर ज़िम्मेदारी सागे काम करण सारू कह्यो। वे कह्यो के ओ.टी.टी. प्लेटफ़ॉर्म अर सोशल मीडिया रे ज़रिए बतायी जा रही सामग्री समाज सारू ख़तरनाक है। मंत्री कह्यो के सरकार ब्रॉडकास्टिंग सर्विस रेगुलेशन बिल 2024 रे मार्फत हर भांत रा मीडिया रा बारा मांय सगळा हितधारकां ऊं राय माँगी है। वे कह्यो के ईं बिल रो मकसद मीडिया माथे काबू करणो नी है, बल्कि मीडिया मांय नैतिक मूल्यां री स्थापना करणो है। केंद्रीय मंत्री ब्रह्मकुमारी संस्थान रो दौरो कर र वठे चलायी जा रही न्यारी-न्यारी परियोजनावां रा काम ई देख्या।