सूचना अर प्रसारण अर रेल मंत्री अश्विनी वैष्णव रो मंगलवार ने प्रदेश रो दौरो करण रो कार्यक्रम है। वे मंगलवार ने जयपुर मांय भारतीय जनता पार्टी रा जयपुर ज़िला रा शहरी कार्यकर्तावां सागे बातचीत करेला। ईं पाछे वां रो भाजपा रा राज्य महिला मोर्चा कानी ऊं राख्या जावण वाळा सदस्यता अभियान मांय शिरकत करण रो कार्यक्रम है। रेल मंत्री काल जयपुर ऊं सवाईमाधोपुर बीचे रेल री पटरियां रो निरीक्षण करेला। रेल मंत्री सवाईमाधोपुर ऊं बूंदी ज़िला रा सुमेरगंजमंडी तांई रेल रा इंजन मांय सफर कर र रेल री पटरियां री हिफाज़त री तरकीब कवच री जांच करेला। रेलवे रा कोटा मण्डल मांय कोटा ऊं सवाईमाधोपुर बीचे रेलवे लेण सुरक्षा प्रणाली कवच 4.0 वाळी पैली लेण बण ग्यी है। मंत्री वैष्णव सुमेरगंज मण्डी ऊं दिल्ली तांई रेलवे लेण रो ई निरीक्षण करेला।