सीकर रा पैली वाळा विधायक, स्वतंत्रता सेनानी अर किसान नेता रणमल सिंह 102 साल री उम्र मांय बुधवार ने वां रा पैतृक गांव कटराथल मांय देवलोक व्हे ग्या। साल 1941 ऊं 1944 तांई शिक्षक रा तौर ऊं काम करण वाळा रणमल सिंह अध्यापक रा ओहदा ऊं इस्तीफो दे र  जयपुर प्रजामंडल मांय शामिल व्हे ग्या अर आज़ादी री लड़ाई मांय सिरकत कीनी। वे साल 1977 मांय कांग्रेस रा विधायक रह्या। उपराष्ट्रपति जगदीप धनखड़ अर राज्यपाल हरिभाऊ बागड़े वां रे देवलोक व्हेवण परां शोक जतायो है।