सिक्ख पंथ रा नौवां गुरु, गुरु तेग बहादुर साहिब रो प्रकाश पर्व शुक्रवार ने रीत मुजब सिरधा रे साथे मनायो जावे। गुरु तेग बहादुर रो जन्म 16 सौ 21 मांय अमृतसर मांय व्हे हो। वां ने एक निर्भीक योद्धा रे साथै ई आध्यात्मिक विद्वान अर कवि रा रूप मांय जाण्या जावे है। ई मौके गुरुद्वारां मांय शबद कीर्तन रा आयोजन कर्या जावे। प्रधानमंत्री नरेन्द्र मोदी गुरु तेग बहादुर ने वां रा प्रकाश पर्व माथे सिरधाजली अर्पण करी। एक सोशल मीडिया पोस्ट मांय वणा गुरु तेग बहादुर ने देश रा सब ऊं महान आध्यात्मिक पथप्रदर्शकां मांय एक बताया। वठे ई मुख्यमंत्री भजनलाल शर्मा प्रकाश पर्व माथे शुभकामनावां देवता गुरु तेग बहादुर ने धर्म अर मानवता रा रक्षक बताया है। प्रदेश मांय ई प्रकाश पर्व रे मौके गुरूद्वारां मांय खास धार्मिक आयोजन कर्या जावे। श्रीगंगानगर, कोटा अर जयपुर मांय गुरू तेग बहादुर साहिब रा प्रकाश पर्व माथे शबद कीर्तन समेत न्यारा-न्यारा धार्मिक आयोजन व्ह्या। हनुमानगढ़ ज़िला मांय ई न्यारा-न्यारा गुरूद्वारां मांय प्रकाश पर्व मनायो जावे।