गुरूवार ने सावण री सरूआत सागे ई राज्य मांय धार्मिक अनुष्ठान करण रो सिलसिलो सरू व्हे ग्यो है। शिव मिंदरां मांय संवारे ऊँ ई पूगण लाग्या जातरू महादेव रो जल, दूध, बील रा पत्ता अर पंचामृत सागे अभिषेक कर रह्या है। हर-हर महादेव अर बम-बम बोले रा शिव घोष अर जयकारां सागे सुख-समृद्धि री कामना करी जा रही है। मुख्यमंत्री भजनलाल शर्मा गुरूवार ने सावण रा पहला दिन राज राजेश्वरी मिन्दर मांय भोलेनाथ री विधि-विधान ऊँ पूजा-अर्चना कर र जनता री खुशहाली री कामना कीनी।