प्रदेशभर मांय शिव मिन्दरां मांय सिरधालू जलाभिषेक रे साथै भगवान शिव री आराधना करी। रक्षा बंधन अर सावण सोमवार एक ही दिन होवण ऊं शिवालयां मांय खास उमाव निजर आयो। पवित्र सरोवरां ऊं जल ले र कावड़ियां भोलेनाथ रो अनुष्ठान कर्यो। सवाईमाधोपुर ऊं म्हाणा खबरनवीस बतायों के शिवाड़ रा नामी शिव मिन्दर समेत न्यारा-न्यारा मिंदरा मांय शिव भक्तां मांय भारी उमाव देखी ज्यो। पाली रा सोमनाथ मिन्दर मांय महादेव ने महाकाल री तर्ज माथे खास श्रृंगार करी ज्यो। वठे ई सिंज्यां भांग ऊं शिवलिंग बणा र झांकी सजाई। आज सावण मीनो बीतण रे साथै ई मीना भर ऊं चाल रह्यो कावड जात्रावां रो दौर ई भी थम गया। जयपुर रा झाड़खंड महादेव अर ताड़केश्वर महादेव समेत न्यारा-न्यारा शिव मिंदरां आज भगवान शिव रो खास श्रृंगार करी ज्यो अर महा आरती उतारी ज्यी।