साल 1975 मांय देश मांय लगायी ज्या आपातकाल री वर्षगांठ रे मौके गुरूवार ने लोकतंत्र सैनानियां ने नमन करी ज्यो। ईं मौके राजधानी जयपुर मांय ई लोकतंत्र सेनानी सम्मान समारोह राख्यी ज्यो। मुख्यमंत्री भजन लाल शर्मा, उपमुख्यमंत्री प्रेमचन्द बैरवा अर भारतीय जनता पार्टी रा प्रदेश अध्यक्ष मदन राठौड़ ई कार्यक्रम मांय शामिल व्ह्या। ईं मौके मुख्यमंत्री लोकतंत्र सेनानियां री मान निधि री रकम बधा र 25 हजार रूप्या महीना करण रो ऐलाण कीनो। वे कह्यो के ईं सागे ई लोकतंत्र सेनानियां ने ईलाज सारु ई हर महीना 5 हजार रूप्या दिया जावेला।