सवाईमाधोपुर जिला रा सेवंती खुर्द री स्कूल मांय केंद्रीय संचार ब्यूरो री ओर ऊं शुक्रवार ने सरकारी योजनावां ऊं जुड़ी प्रदर्शनी लगायी ज्यी। इण मांय ब्यूरो रा प्रभारी नेमीचंद मीणा केंद्र सरकार री ओर ऊं चलायी जा रही जनता रा भला री न्यारी न्यारी योजनावां री जाणकारी दीनी। कार्यक्रम मांय स्वच्छता रा बारा मांय जाणकारी देता थकां ग्राहकां रा हक अर हितां री हिफाजत रा बारा मांय विगतवार बतायी ज्यो। ईं दौरान राख्यी ज्यी प्रश्नोत्तरी होड़ मांय जीतण वाळां ने ईनाम दिया ज्या अर कार्यक्रम मांय मौजूद लोगां ने साफ-सफाई राखण री सौगंध दिरायी ज्यी।