सरकार प्रधानमंत्री इंटर्नशिप योजना रा पायलट प्रोजेक्ट री आज सरूआत कर दीनी। वित्त मंत्री निर्मला सीतारामन केंद्रीय बजट मांय इण रो ऐलाण कीनो हो। इण रो मकसद पांच साल मांय देश री आला पांच सौ कंपनियां मांय एक करोड़ नौजवानां ने सिखावण रा मौका मुहैया करावणो है। कॉर्पोरेट कार्य मंत्रालय रे मुजब सरकार ईं सारू आठ सौ करोड़ रूप्या राख्या है। वित्त मंत्री कह्यो के सरकार मौजूदा माली साल मांय सवा लाख लोगां ने सिखावण देवणो तय कीनो है। आ योजना ऑनलाइन पोर्टल पी एम इंटर्नशिप डॉट एम सी ए डॉट जी ओ वी डॉट आई एन रे मार्फत चलायी जावेला। 21 ऊं 24 साल तांई री उम्र रा उम्मीदवार ईं महीना री 12 ऊं 25 तारीख तांई ईं पोर्टल माथे अर्जी दे सके है। वां ने बारह महीना तांई सिखावण दी जावेला। सिखावण लेवण वाळां ने हर महीना पांच हजार रुप्या री मदद दी जावेला। ईं रे अलावा कॉर्पारेट कार्य मंत्रालय सिखावण लेवण वाळा हर नौजवान ने छह हजार रूप्या री एक मुश्त मदद ई देवेला।