सब इंस्पेक्टर भर्ती परीक्षा-2021 ने रद्द करण रा बारा मांय विचार करण सारु बणायी ज्यी मंत्रियां री समिति री सोमवार ने पहली मीटिंग व्ही। जयपुर मांय व्ही मीटिंग मांय स्पेशल ऑपरेशन ग्रुप (एसओजी) रा ए.डी.जी. वी.क.े सिंह हाल तांई करीजी गिरफ्तारियां अर गड़बड़ियां ऊं जुड्या सबूतां री जाणकारी दीनी। समिति एसओजी ऊं मिली रपट माथे विचार करेला। मामला मांय आगली मीटिंग 10 अक्टूबर ने व्हेला। मीटिंग पाछे खबरनवीसां सागे बातचीत करता थकां कैबिनेट सब कमेटी रा संयोजक अर कानून मंत्री जोगाराम पटेल कह्यो के ईं मामला मांय हाल तांई 100 ऊं बत्ती गिरफ्तारियां व्ही है अर केई और लोगां माथे ई शंका है। ध्यानजोग है के सब इंस्पेक्टर भर्ती परीक्षा-2021 मांय गड़बड़ियां री शिकायतां री जांच सारू सरकार छह मंत्रियां री समिति बणायी है। इण मांय जोगाराम पटेल, गजेंद्र सिंह खींवसर, सुमित गोदारा, बाबूलाल खराड़ी, जवाहर सिंह बेढ़म अर डॉ. मंजू बाघमार सदस्य है।