संसद रा दोन्यू सदनां री कार्यवाही नीट पेपर लीक मुद्दा माथे विद्यार्थियां रा विरोध प्रदर्शन रे दौरान कथित पुलिस कार्रवाई समेत न्यारा-न्यारा मुद्दां माथे विपख रो हंगामो शुक्रवार ने ई चालतो रह्यो। लोकसभा मांय शोर-शराबा बीचे ही जन्म और मृत्यु पंजीकरण संशोधन बिल -2026 पास कर दियो ज्यो। ईं बिल रो मकसद जन्म अर मौत रा पंजीकरण मांय मोड़ो व्हेवण ऊँ रोकण सागे फर्ज़ी कागज़ात माथे रोक लगावणो है। गृह राज्य मंत्री नित्यानंद राय सदन मांय ओ बिल पेश कीनो। विपख रा हंगामा बीचे बिना चर्चा ओ बिल पास कर दियो ज्यो। संसदीय कार्य मंत्री किरेन रिजिजू ईं बिल माथे चर्चा मांय शामिल नी व्हेवण सारू विपख री आलोचना कीनी। संसद रा दोन्यू सदनां री कार्यवाही सोमवार तांई टाळ दीरीजी।