श्री मदन राठौड़ ओजू भारतीय जनता पार्टी रा प्रदेश अध्यक्ष बण ग्या है। चुनाव प्रभारी विजय रुपाणी थावर ने जयपुर रा भाजपा मुख्यालय मांय ईं बाबत् ऐलाण कीनो। वे राष्ट्रीय परिषद रा 25 सदस्यां रा नामां रो ई ऐलाण कीनो। आं मांय पैली वाळी मुख्यमंत्री वसुंधरा राजे, पैली वाळा मंत्री राजेन्द्र राठौड अर पार्टी रा पैली वाळा प्रदेश अध्यक्ष सतीश पूनिया समेत केई नाम शामिल है। अ सदस्य पार्टी रा राष्ट्रीय अध्यक्ष रा चुनाव री प्रक्रिया मांय शामिल व्हेला। राज्यसभा सदस्य मदन राठौड़ ने सात महीना मांय दूजी दफा प्रदेश भाजपा रा अध्यक्ष बणायी ज्या है। मुख्यमंत्री भजनलाल शर्मा, केन्द्रीय मंत्री गजेन्द्र सिंह शेखावत, पार्टी रा प्रदेश प्रभारी राधामोहन दास अग्रवाल अर पैली वाळी मुख्यमंत्री वसुंधरा राजे समेत केई आला नेतावां री मौजूदगी मांय वां रा नाम रो ऐलाण करी ज्यो। ईं मौके श्री रुपाणी कह्यो के श्री राठौड़ री अगुवाई मांय पार्टी रा संगठन ने नुवी दिशा मिलेला। ईं मौके मदन राठौड़ कह्यो के वे पूरा मन ऊं पार्टी री विचारधारा अर संगठन ने मजबूत करण रो काम करेला।