शुक्रवार ने राष्ट्रीय बालिका दिवस मनायो जा रह्यो है। प्रधानमंत्री नरेन्द्र मोदी इण दिन ने बालिकावां ने सशक्त बणाया राखबा अर वां रा अधिकारां, शिक्षा अर कल्याण माथे बत्तो ध्यान देबा रो मौको बताया। यो दिन समाज मांय टाबरियां री कानी ऊं जाग जगाबा रा लगस सूं बणायो जावे है। राष्ट्रीय बालिका दिवस रे मौके प्रदेशभर मांय व्ह्या जागरूकता कार्यक्रमां रे जरिये टबरियां ने मजबूत बणावा री अलख जगाई गई। चूरू मांय राख्या जळसा मांय मेधावी छात्रावां ने सम्मानित कर्यो गयो। वठिने झुन्झुनू मांय इण मौके सिलाई मशीन बाटबां रो कार्यक्रम राख्यो ग्यो। महिला अधिकारिता महकमां रा उपनिदेशक विपलव न्यौला बताया के इण मौके न्यारा न्यारा हलका मांय चोखा काम करबा वाळी बालिकावां ने सम्मनित कर्यो ग्यो। पाली मांय टाबरियां ने आत्मरक्षा रो प्रशिक्षण दियो गयो वठिने कालिका पेट्रोलिंग टीम वां ने महिलावां सूं जुड़्या कानूनां री जाणकारी दी। राजसमंद रा भीम मांय राजकीय बालिका छात्रावास मांय विधिक साक्षरता शिविर राख्यो ग्यो। वठिने जैसलमेर मांय जागरूकता कार्यशाला राखी गयी अर इण मांय भाग लेबा वाळां ने बेटी बचाओ-बेटी पढाओं री शपथ दिलवाई गई। कोटपुतली-बहरोड मांय भी कार्यक्रम राख र कन्या भू्रण हत्या री रोकथाम रो संदेश दियो गयो। नागौर मांय व्ही कार्यशालावां मांय बेटी बचाओ-बेटी पढाओं विषय माथे रंगोली अर पोस्टर बणाया गया। भीलवाडा मांय व्ह्या कार्यक्रम मांय बालिका शिक्षा अर सशक्तिकरण रो संकल्प लियो गयो।