शुक्रवार ने  जयपुर जिला रा दादिया पट्टी गांव मांय भेड़ बकरियां मांय पीपीआर री बीमारी ऊं बचाव सारू टीका लगावण रो कार्यक्रम सरू करी ज्यो। ई मौके पशुपालन निदेशक डॉ भवानी सिंह राठौड़ गांवा वाळां ने जीव-जिनावरां री हिफाजत करण री शपथ ई दिरायी। बाड़मेर ज़िला मांय ई शुक्रवार ने खुरपका-मुंहपका टीकाकरण अभियान सरू व्ह्यो। ईं दौरान राणी गांव अर हमीर सिंह नगर मांय लगायी ज्या शिविरां रे दौरान 68 जिनावरां रे टीका लगायी ज्या। ईं सागे ई पशुपालकां रो ऑनलाइन पंजीकरण कर र पशुआं रे टैग लगायी ज्या। अभियान रा तहत निम्बड़ी मांय 132 गौवंश रे टीका लगायी ज्या।