शिक्षा मंत्री मदन दिलावर कह्यो है के तबादलां रै दौरान गांवाई अर शहरी हलकां री स्कूलां मांय शिक्षकां रो संतुलन बणायी ज्यो है ताकि गांवा री स्कूलां मांय अध्यापकां री कमी नी व्हे। अलवर मांय खबरनवीसां सागे बातचीत करता थकां दिलावर कह्यो के शिक्षा विभाग मांय तबादलां रो काम पूरो व्हे ग्यो है। ध्यानजोग है के डीईओ, प्रिंसिपल अर लेक्चरर समेत न्यारा-न्यारा ओहदां माथे काम कर रह्या हजारां शिक्षकां रा तबादला करी ज्या, हालांकि थर्ड ग्रेड अध्यापकां रा तबादला ईं प्रक्रिया मांय शामिल नी हा।
