राज्य मांय आवता दो दिन मांय चैमासा री बिरखा सरू व्हेवण रा आसार है। मौसम विभाग रे मुजब कोटा अर उयदपुर संभाग रा कुछ हलकां मांय भारी बारिश री संभावना है, जदके 6 जुलाई तांई प्रदेश रा घणखर हलकां मांय मेह सरू व्हेवण री संभावना है। ईं साल चैमासा री बिरखा लारला साल री तुलना मांय करीब आठ दिन मोडी सरू व्हेवण रा आसार है।
मौसम विभाग जुलाई महीना मांय प्रदेश मांय सामान्य ऊं कम बारिश व्हेवण रो अंदाजो लगायो है। ईं बीचे राज्य रा कुछ हलकां मांय चैमासा ऊं पैली री हलचल व्हे रही है। लारला चैबीस घंटा मांय कोटा, उदयपुर अर भरतपुर संभाग मांय थोड़ी-घणी बिरखा व्ही। जैसलमेर मांय आज आंधी चाली। भरतपुर मांय संवारे व्ही बिरखा पाछे दिनभर सीळो बायरो बाज्यो। राजधानी जयपुर मांय ई कठे-कठे बारिश व्ही। मौसम विभाग आज प्रदेश रा 24 जिलां मांय आंधी-बारिश सारू चेतायो है। काल ऊं 4 जुलाई बीचे बीकानेर, श्रीगंगानगर अर हनुमानगढ़ मांय जोरदार बायरो बाजण अर आंधी चालण सारू चेतायी ज्यो है।