आज विश्व शेर दिवस मणायो जा रह्यो है। ईं मौके केंद्रीय पर्यावरण, वन अर जलवायु परिवर्तन मंत्री भूपेंद्र यादव कह्यो के एशियाई शेर ने बचावण मांयभारत री कामयाबी सरकार री जंगली जिनावरां ने बचावण अर जैव विविधता ऊं जुड़्या अटूट संकल्प रो सबूत है। सोशल मीडिया रे ज़रिए वे कह्यो के देश मांय एशियाई शेरां री तादाद साल 2015 मांय 523 ही, जो 2025 मांय 891 व्हे ग्यी। केन्द्रीय मंत्री सगळां ऊं कुदरती विरासत री हिफ़ाज़त करण सारु कह्यो। ईं मौके मुख्यमंत्री भजनलाल शर्मा ई सोशल मीडिया पोस्ट रे ज़रिए जनता ने बधाई देता थकां कह्यो के शेर म्हाणी समृद्ध जैव विविधता, कुदरती संतुलन अर जंगली जिनावरां री विरासत री बुनियाद है। वे कह्यो के आं ने बचावण अर बधावण सारु भावी पीढ़ियों ने संकल्प लेवणो व्हेला।