विश्व वन्यजीव दिवस रे मौके प्रदेश मांय सोमवार ने न्यारा-न्यारा कार्यक्रम राख्यी ज्या। जयपुर मांय पशुपालन मंत्री जोराराम कुमावत परिंदां सारू चुग्गो देवण अर परिंडा बांधण रा अभियान री सरूआत कीनी। ईं मौके श्री कुमावत पशु-पक्षियां रा प्रति दया भाव राखण री अपील कीनी। विभाग रा शासन सचिव डॉ. समित शर्मा बतायो के प्रदेश री सगळी गौशालावां मांय उचित ठौड़ माथे परिंडा बांधण अर पाणी रा कुण्ड बणावण रो काम आज सरू कर दियो ज्यो है। वे जनता अर खुद सेवक संस्थावां ऊं ईं सारू योगदान देवण री अरज कीनी। पाली ज़िला रा बीजापुर मांय विधायक पुष्पेन्द्र सिंह राणावात परिंदां सारु पक्षी घर रो उद्घाटन कीनो। ज़िला रा जवाई बांध हलका री सरकारी सीनियर सैकेण्डरी स्कूल मांय प्रश्नोत्तरी होड़ राख्यी ज्यी अर विद्यार्थियां ने जंगली जिनावरां ने बचावण रा बारा मांय जाणकारी दीरीजी।