विश्व जनसंख्या दिवस रे मौके आज आखा राज्य मांय जागरुकता कार्यक्रम सरू करी ज्या। आं रे जरिये मायड़ां अर बच्चां रा भला सारू दो बच्चा बीचे जरूरी आंतरो राखण अर परिवार नियोजन माथे ज़ोर दियो जा रह्यो है। 18 जुलाई तांई चालण वाळा जनसंख्या स्थायित्व जनजागरुकता सप्ताह रा तैत स्वस्थ परिवार अर खुशहाल परिवार सारू न्यारा-न्यारा कार्यक्रम राख्या जा रह्या है। ईं मौके जयपुर मांय राख्यी ज्या राज्य स्तर रा जळसा मांय जनसंख्या स्थायित्व रा मामला मांय बेहतरीन काम करण सारू बांसवाड़ा ज़िला रो वर्चुअल तरीका ऊं मान पानो दे र मान करी ज्यो। चिकित्सा अर स्वास्थ्य विभाग री सचिव गायत्री राठौड़ लगातार तीजी बार आ उपलब्धि हासिल करण सारू बांसवाड़ा ज़िला री कोशिशां री सराहवणा कीनी।